時間呢，就返唔到轉頭㗎喇。小編就同大家些牙吓Freehunter呢間充滿活力嘅Startup，睇下大家有冇興趣加入佢地公司啦～

「Freelancer點樣生存？」

喺香港呢個咁嘅彈丸之地，要搵生意做競爭都幾大。以前做Freelance就話要夠面皮厚去搲撈，仲要有人脈幫手搭路先可以成事；但而家網絡咁發達，有乜都答到嘅Google神，就連男女朋友都可以上網搵嘅時代，搵伯樂都係靠呢個龐大嘅互聯網㗎喇。

Freehunter嘅Co-founders Harris Cheng (CEO)同埋Jerome Tse (CTO)眼見身邊有好多朋友明明好有創作才華，平時又有friend搵佢哋(拍爛當幫手)設計，偏偏冇咩收入，最後出嚟社會都要做返啲自己冇興趣嘅工作…所以Harris同Jerome 就喺一年前創立咗呢個主攻創意行業嘅「香港人的Freelance平台」，幫一班平面設計師同攝影師建造一個community，繼而配對到啱做嘅Freelance Job，聽聞遲下仲會有魔術師、歌手同Dancer揀𠻹～

「自由工作？有幾自由呀？」

上到Freehunter嘅Office，見到有同事攤喺梳化好專注咁思考緊，有啲圍埋一齊揼Code，又有啲喺另一邊對住Ai砌緊Design，總之各人都用自己嘅方法專注工作～ Harris話喺呢度返工好自由嘅，你鍾意喺自己位做又得，搵埋班Teammates坐埋一邊做又得，Take個Long Break出去食個飯先再做亦得，最緊要係大家用最有效率、最舒服嘅方式工作～

唔鍾意俾人稱呼做「老細」嘅Harris話：「入得嚟Freehunter做嘅人都有嗰共同點，大家都有團火。好多時都自動自覺做嘢㗎喇，可能係因為大家都對自己做嘅Project有Ownership！」

「好似讀書嗰陣咁開心？」

望住成班同事圍圈圈坐，你一句我一句咁傾idea，小編都好似突然搵返同舊時戰友一齊打拼嗰種感覺。

而呢個咁Close嘅關係亦都係當初吸引到Business Developer Avery嘅地方。「我哋都係一班Work Hard Play Hard嘅人，要做嘢時會入曬認真mode。但有時做到攰攰哋，又會講吓啲搞笑無聊嘢，仲會每一兩個月成班出去唱K、打邊爐、飲茶。全部人都真心好Friend～」

Avery仲話，就算佢做晒當日嘅工作都有時唔捨得收工，寧願留喺公司諗埋第二日要做嘅嘢都唔返歸喎…（滴汗）所以呢度做嘢大家都好enjoy㗎！

「想請個會Challange老闆嘅人！」

入得Freehunter做，除咗要有Passion同埋識得自律，最重要就係：千祈唔好怕得罪人而收埋自己！呢度唔似大公司咁由老闆話晒事，相反仲鼓勵同事喺傾嘢嘅過程入面可以互相Challange，等全部人都知條橋係咪真係行得通。Harris：「唔鍾意用『老闆』同『員工』嚟區分大家嘅地位，因為一班人做嘢應該一條心，冇話邊個大過邊個！」

「一個香港人的Freelance平台」

Freehunter成立嘅原因之一，係透過呢個平台話畀注重穩定工作嘅香港大眾知道，Freelance係可以成為全職搵食嘅工作模式，改變社會對「Freelance」嘅有色眼鏡。

自己以前都係攝影師嘅Harris補充：「搞Freehunter係想創造一個Freelance嘅Community，幫唔同行業嘅Freelancers用呢個Network去建立人脈同宣傳自己，從而更加容易接到Job。」由此可見，Freehunter並唔係一個O2O嘅「中介」角色咁簡單。佢哋未來嘅目標係將呢個平台帶到新加坡同台灣，甚至想進軍埋中國同日本！

「後記」

無論你係男女老幼，只要上去Freehunter一轉，你都會好快Feel到香港本地Startup嘅嗰陣氣息！如果你自問都有心有火，有興趣為我哋香港人嘅未來出一分力，就快啲Apply下面嘅空缺啦～

📍Business Developer
📍Digital Marketer
📍Growth Hacker

.　.　.

睇吓有咩好工啱你啦 👉 http://wantedly.com/projects

成立於2010年，Wantedly是一家於東京起家的上市企業 。我們的目標為"Create a world where work drives passion" — 以才能及對公司的興趣將求職者與僱主連繫起來，取代重視利益關係的傳統配對。在日本有超過27,000間公司使用Wantedly，每月活躍用戶達到250萬個。我們的服務已拓展至新加坡，現在更進駐香港！