1
/
5
This page is intended for users in Singapore. Go to the page for users in United States.

【Wantedly送禮勤】15,000蚊月薪入科學園做嘢!?

撰文:Wantedly編集部

知道近兩年個大環境令到大家搵工、轉工都好艱難,尤其是呢兩年嘅fresh grad甚至有求職焦慮,所以筆者今次要同大家介紹嘅,就係由賽馬會慈善信託基金贊助、HKSTP InnoAcademy統籌,為fresh grad而設嘅專業創未來計劃 PROcruit C──「創科 • 有心」。

▲ 成個programme有幾十個openings,記得睇到最尾呀~

入正題之前,等筆者簡介吓個計劃先啦:其實成件事好簡單,就係想畀15,000月薪大家,入去科學園裡面唔同嘅公司做trainee,無論你想學graphic design又好、想學marketing & sales又好,裡面好多間startup都請緊唔同嘅trainee。

只要你係有心學嘢,對startup又有興趣甚至有團火嘅話,呢個programme就正正係為你而設!為咗令大家有多啲概念,筆者同其中三間請緊人嘅科學園startup傾過吓偈添。

▲ 你以為係大學啲莊嘅group photo?佢哋係專門做智慧城市solutions嘅SOCIF呀!(照片由SOCIF提供)

SOCIF:「Social impact唔係得個講字!」

大家一見到個小題,係咪以為SOCIF係一間社企呢?其實佢哋只係一間想改變個社會嘅私人公司。咁點解咁多嘢唔做,係要做智慧城市solutions呢?

SOCIF嘅Co-Founde Jason就話:「因為冇嘢可以阻住我哋科大人返學!」

好明顯,2018年先畢業嘅Jason係科大學生,如果大家對科大嘅地理位置有多少認識嘅話,就會知道好多學生都要搭小巴返campus,而嗰條小巴線就成日都出事:

「我同兩個friend嗰陣成日等小巴返學都好炆,因為條路成日塞車,搞到時間班次好唔準,咁我哋就覺得有乜理由可以畀咁小事阻到我哋返學,所以嬲嬲哋就索性整咗個小巴實時到站app,再搵埋其他大型小巴營運商嘅管理層畀我哋去試。」

當然Jason講就講得輕描淡寫,但實際上做起上嚟真係chur到甩轆,但亦都係因為佢哋呢團火,SOCIF喺短短兩年時間裡面,已經做到7位數字revenue,仲做緊好多全港性嘅project,同運輸處、新鴻基呢類大型機構都有合作,嚟緊仲會將business推去台灣、日本等等嘅亞洲地區。咁大家自己諗吓佢哋個growth potential有幾大啦……

▲ 利申:佢哋成間公司嘅平均年齡唔超過24歲,筆者聽到即刻呆咗……
▲(圖左至右)Labwork兩位Co-Founder ── WC同Tony(照片由Labwork提供)

Labwork:「要一洗香港科學教育頹風!」

一睇個名就知佢哋同做lab有關啦,而Tony同WC又點解會選擇搞遙距實驗室做佢哋嘅business呢?

WC就咁講:「香港教育太著重死記爛背,嚟嚟去去都係要你學識考試呢個『遊戲』,好似我以前其實係讀band 3中學,但點解我呢個會考同A-level失敗嘅人,原來入到大學純讀science係完全冇問題嘅呢?」

WC作為其中一個香港中小學嘅「生還者」,之後唔單止經「high dip」入返Poly U讀Applied Physics,仲順便讀埋個MPhil先畢業,就連筆者都真心佩服。

▲ 利申:WC仲話見過個學生,連滑輪同齒輪都分唔到……

Tony就補充:「正因為我哋兩個都深受香港教育嘅禍害,所以先想做啲嘢去改變佢,起碼令到大家對科學多返少少興趣,或者起碼鍾意思考、有比較好嘅邏輯思維。」就係因為咁,WC同Tony就決定用遙距實驗室做佢哋嘅product,令到多啲學生有一個得意啲嘅學習途徑。

當Tony明明喺大公司做緊cloud computing、WC又可以繼續PhD行佢嘅教育路,點解又會放棄原本條路,去搞Labwork呢間startup呢?

Tony話:「當你入過商業社會,同時間見到香港有咁多fundamental嘅問題冇人解決,我就開始諗:咁既然冇人做咪我做,做得幾多得幾多囉。」WC聽完之後仲笑住咁講:「我一早就諗過『離場plan』㗎啦,最多咪冇哂自己掉落去舊錢,再入返大學做research讀PhD姐。」

▲ 你睇吓成班佬一齊慶祝生日幾sweet~(照片由N1 Limited提供)

N1 Limited:邊個話打golf係有錢人嘅專利?

提起打golf,可能大家即刻會聯想到嘅keywords係:「有錢人」、「離地」、「富二代」等等,但其N1 Limited嘅Co-Founder阿Jeff就唔係咁諗:

「其實virtual golf呢件事喺其他亞洲國家已經好成熟,例如係韓國、日本等等,而呢件事唔淨止係for普通人玩,仲有好多職業選手參加唔同嘅聯賽同盃賽,所以我就同兩個中學同學諗:點解香港做唔到呢件事呢?」

就係因為咁,佢哋三兄弟就集齊大家嘅專長,開始咗呢間以AR技術做主打嘅公司,希望將virtual golf呢件事喺香港普及化。

眼見個社會嘅問題好似越嚟越多、大環境好似越嚟越差,但其實仲有好多人努力緊去解決唔同嘅issue,可能小至令到多啲人可以接觸到golf呢個運動、大至改變成個教育風氣,如果你都想同佢哋一齊解決問題,仲可以袋錢落自己袋,就快啲click下面條link去register啦!

🌎 拯救世界嘅重任就交畀你啦!🌎

Wantedly, Inc. (Hong Kong)'s job postings
2 Likes
2 Likes
If this story triggered your interest, go ahead and visit them to learn more