This page is intended for users in Singapore. Go to the page for users in United States.

【三十而立】婚姻速成手冊

阿Tim同女朋友一齊咗就嚟8年,由year 1做design同學仔開始,一路到而家兩個人分別做in-house同agency嘅designer,大家都準備踏入「三張嘢」,即係適婚年齡,所以收到嘅「紅色炸彈」都越嚟越多。

👩🏻:你睇吓,Charlotte男朋友同佢求婚啦!
😏:係喎,之前又話分手嘅?嘩,張相「marry me」個font都幾核突喎~
🙍🏻‍♀️:乜你咁衰㗎!咁淘寶啲汽球有咩font畀你揀姐,算係咁啦!同埋之前係因為佢男朋友一路都冇求婚,Maggie唔知佢想點先嚇吓佢咋嘛。

唔知Mary係有心定無意,但呢類型嘅對話每幾個月就重覆一次,而個壓力亦都開始嚟。以前Tim都有問過佢想幾時結婚,Mary就話越早越好,因為佢唔想同啲小朋友嘅代溝太大。

但慢慢阿Tim都開始唔問,又或者係已經唔敢問。

作為一個visual designer,佢搵到嘅錢好有限,就算公司接幾多project返嚟做都好,佢份糧都係得咁多。有次佢聽到老闆接咗單大生意,個客「大拿拿」畀咗成百萬出嚟搞個網站同個app,阿Tim除咗無限OT之外,佢老闆畀佢嘅,就係可以OT完搭士返屋企,但冇得claim足。

喺而家嘅香港地,冇錢又點結婚呢?唔好講買樓啦,剩係擺酒、婚紗相、honeymoon、過大禮…呢條數真係唔知點計。

所以Tim一直都默默咁儲緊錢,為嘅就只係想畀Mary舒服咁過下半世。

👩🏻:Tim呀,你今晚收工得唔得閒呀?我有啲嘢想同你講。
👦🏽:好呀,我啱啱「揼」好咗個project,今晚應該唔使OT,我收工過嚟接你啦。

覆完個message之後,阿Tim開始喺度諗好多嘢:我係咪做錯咗啲咩?佢係咪想同我講分手?如果係嘅話咁點算?定係佢有第二個?而佢唯一可以做嘅,就只係不斷搵嘢做,等自己唔好諗咁多嘢。

搭正7點鐘,Tim一支箭咁衝咗出門口,佢除咗有一種好耐冇試過準時收工嘅快感之外,仲有Maggie帶畀佢嘅不安。而由於時間嘅關係,佢剩係買到杯奶蓋烏龍茶,然後就去咗佢office樓下乾等。

Maggie係一個醒目女,佢落到嚟見阿Tim手上面杯嘢飲,另一隻手又冇不停「㩒」電話,都已經大概估到佢諗緊啲乜。

👩🏻:等咗好耐呀傻佬?
👦🏽:唔係呀,杯嘢買畀你飲㗎,你慢慢飲完先講啦。
🤨:做咩無啦啦咁好買杯嘢畀我飲嘅?平時又話我哂呢啲無謂錢。
👦🏽:欸…冇呀,見附近咁啱有咪買畀你飲咋嘛。你…想同我講啲咩呀?
👩🏻:唔係你諗嗰啲囉。
🙂:吓?我諗嗰啲?冇…我冇諗啲咩呀。

與此同時,Tim好努力咁控制緊自己嘅表情,佢怕是但一個開口,段關係就返唔到轉頭。

👩🏻:傻佬,你唔好咁驚啦。我係想同你傾吓點先可以早啲結婚呀。
👦🏽:我都想早啲…但搵極都係得咁多,人工又每年加啲啲,投資嘅嘢我鬼識咩…除咗慳啲我都唔知可以點啦…
👩🏻:定係不如我地試下接freelance?因為今日我同事話佢有用開個網叫Freehunter,上面有好多公司都會搵freelance,同埋可以識到好多呢行嘅人。我同事都係得閒先會接job,話一個月接多兩個project都已經差好遠。
😞:但我收工都已經好攰,weekend我又想同你拍吓拖,冇咁多時間心機做freelance喎…
👩🏻:你真係傻佬嚟,又冇人叫你係咁接freelance,你喺個網開咗個profile先,到時想接先接都得啦。仲有呀,原來個網係專門畀creative professionals㗎,有時做嘢做到個腦實哂嘅,咪搵下同行吹水學吓野,或者畀個design佢哋睇吓,當network吓囉,或者可以意外搵到啲機會呢,好過你成日上連登先啦。

Tim喺呢一刻覺得自己好不堪,當Maggie不斷咁諗方法同佢早啲儲錢結婚嘅時候,佢就只係識驚,而唔係搵多啲解決問題嘅辦法。就係咁,佢哋兩個都上去Freehunter整好咗自己個profile。

將來嘅事唔會有人知,佢哋結唔結得成婚亦都係未知之數,但最起碼當佢哋迷惘嘅時候,除咗埋怨「土地問題」同「財政預算案」嘅同時,都會嘗試踏前一步去解決問題。咁你哋呢?

有興趣嘅可以click入去下面睇睇喎🧐

Wantedly, Inc. (Hong Kong)'s job postings
Anonymous
Anonymous

Weekly ranking

Show other rankings
If this story triggered your interest, go ahead and visit them to learn more

Page top icon